Papa Fransisk: Oktyabrda kilsələrdə dualar Ukraynada sülhə həsr olunacaq
Vatikan, 7 sentyabr, AZƏRTAC
Oktyabr ayında katolik kilsələrində dualar Ukraynada sülhə və münaqişənin başa çatmasına həsr olunacaq.
AZƏRTAC xəbər verir ki, bunu Roma Katolik Kilsəsinin rəhbəri Papa Fransisk yunan-katolik yepiskopları ilə görüşdə deyib.
Roma Papası qeyd edib ki, Ukraynada çox da dilə gətirilməyən şəhidlik yaşanır. Müharibəni pisləyən Papa Fransisk bu dəhşətli hadisələrin uşaqların təbəssümünü aldığını bildirib.
“Bu, amansız və cinayətkarlıq nümunəsi olan faciədir. İnsanlar dəhşətli ağrılar yaşayır. Müharibə şeytani hisslərin təzahürüdür və insanların ölümünə, yaralanmasına, işgəncə görməsinə səbəb olur”, - deyə pontifik vurğulayıb.
Nihad Budaqov
AZƏRTAC-ın xüsusi müxbiri
Vatikan
Bölmənin digər xəbərləri
