Paytaxtın bəzi ərazilərində təbii qaz təchizatı dayandırılıb
Bakı, 12 iyun, AZƏRTAC
İyunun 12-də səhər saatlarından etibarən Yasamal rayonu, Tbilisi prospekti, “Çıraq Plaza”nın qarşısında yol keçidinin tikintisi ilə əlaqədar yeni çəkilmiş diametri 315 millimetr olan polietilen yeraltı təbii qaz xəttinin mövcud şəbəkəyə qoşulması işlərinə başlanılıb.
“Azəriqaz” İstehsalat Birliyindən AZƏRTAC-a bildirilib ki, işin icrası üçün müvəqqəti olaraq qaz təchizatı dayandırılıb. Bu müddətdə Yasamal rayonu, Tbilisi prospekti 47, 49, Ş.Mehdiyev küçəsi 95, 97, 97a, “Tamam” MTK, “Grand Həyat” MTK, 1-ci Alatava qəsəbəsində, o cümlədən Nəsimi rayonu, Salamzadə, A.Əliyev küçələrində bir qrup istehlakçının qaz təchizatında fasilə yaranıb. Əlavə olaraq Ə.Topçubaşov, 1-ci mikrorayon H.Ələsgərova, E.Qasımzadə, C.Cabbarlı küçələrində də qaz təchizatı məhdudlaşdırılıb.
Bölmənin digər xəbərləri
