Paytaxtın bu ərazilərində elektrik enerjisinin verilişində məhdudiyyət olacaq
Bakı, 12 avqust, AZƏRTAC
Elektrik enerjisinin verilişində keyfiyyət göstəricilərinin artırılması, artan yük tələbatının qarşılanması məqsədilə avqustun 12-də paytaxtda bir sıra Transformator Məntəqələrində (TM) təmir-təftiş işləri aparılacaq.
“Azərişıq” ASC-dən AZƏRTAC-a bildirilib ki, Yasamal Rayon Enerji Təchizatı və Satışı İdarəsinin (RETSİ) xidməti ərazisində Mətbuat prospekti, Həsən bəy Zərdabi və Akim Abbasov küçələrinin kəsişməsində yerləşən "Üç tac" yaşayış kompleksinin, 2-ci Alatava yaşayış massivi və Uluxanlı küçəsinin bir hissəsində saat 10:00-dan 13:00-dək elektrik enerjisinin verilişində məhdudiyyət tətbiq olunacaq.
Nərimanov RETSİ-nə daxil olan Müzəffər Nərimanov küçəsinin bəzi ərazilərində saat 09:00-dan 13:00-dək enerjinin verilişində fasilə yaranacaq.
Planlı fasilə Xəzər rayonunda saat 10:00-dan 14:00-dək Buzovna qəsəbəsi Albalılıq yaşayış massivi Abşeron küçəsini əhatə edəcək.
Sabunçu RETSİ ərazisində yerləşən Ramana qəsəbəsinin bir hissəsində saat 10:30-dan 13:30-dək məhdudiyyət olacaq.
Görülən işlər yekunlaşdıqdan sonra adıçəkilən ərazilərdə abonentlər daha keyfiyyətli və dayanıqlı elektrik enerjisi ilə təmin olunacaqlar.
Bölmənin digər xəbərləri
