PEKİN OLİMPİADASININ BEŞİNCİ GÜNÜ
AZƏRTAC xəbər verir ki, Pekin Olimpiadasının beşinci günü, təəssüf ki, idmançılarımız bizi yeni qələbələrlə sevindirməmişlər. Afina olimpiadasının çempionu Fərid Mansurov (66 kiloqram) və İlqar Abdulov (74 kiloqram) 18 finalda mübarizədən çıxdılar.
Fərid ilk görüşdə ukraynalı güləşçiyə məğlub olmuşdur. Pekindən alınan məlumata görə, tanınmış güləşçimiz xalça üzərinə yüksək hərarətlə çıxmışdır.
İlqar Abdulov 116 finala türk Şərif Tüfəng üzərində qələbə ilə başlasa da, sonradan Rusiya idmançısına məğlub olmuşdur.
Güləşçilərimizin rəqibləri finala çıxmışlar və nəticədə Mansurov da, Abdulovda bürünc medal qazanmaq şansını itirmişlər.
Cüdoçu Elxan Məmmədov (90 kiloqram) tacikistanlı Neymətullo Asranqulov və özbək Xurşud Nəbiyev üzərində qələbə çalaraq 14 finala çıxmışdır.
Lakin bu mərhələdə hazırkı dünya çempionu İrakli Sirekidzeyə məğlub olmuşdur. Gürcüstan idmançısı finalda qızıl medal qazanmış, bu isə Elxana təskinlikverici görüş keçirmək imkanı yaratmışdır.
Təəssüf ki, ilk belə görüşdə Məmmədov misirli Həşim Mesbaya uduzmuşdur.
Avqustun 14-də 2008-ci il Olimpiya oyunlarında beş Azərbaycan idmançısı çıxış edəcəkdir. Olimpiya medalı uğrunda Anton Botev (yunan-Roma güləşi, 120 kiloqram), Şalva Qadabadze (yunan-Roma güləşi, 84 kiloqram), Mövlud Mirəliyev (cüdo, 100 kiloqram), Tural Abbasov (üzgüçülük), Zemfira Meftahəddinova (stend atıcılığı).
Olimpiadada ümumi komanda hesabında Çin idmançıları liderdirlər. İkinci yeri ABŞ yığması tutur. Azərbaycan 1 qızıl və 2 gümüş medalla 14-cü yerdədir.
Bölmənin digər xəbərləri
