PEKİN UNİVERSİTETİNDƏ 3-CÜ BEYNƏLXALQ MƏDƏNİYYƏT FESTİVALI KEÇİRİLMİŞDİR

03.11.2006 [22:38]
Çap et
A⁺ A^-

Azərbaycanın Çindəki səfirliyindən AZƏRTAC-a bildirmişlər ki, Pekin Universitetində 3-cü Beynəlxalq mədəniyyət festivalı keçirilmişdir. Festivalda Pekində təhsil alan xarici ölkələrin tələbələri iştirak etmişlər.

Çin Xalq Respublikası hökumətinin və Pekin şəhər meriyasının rəhbər işçiləri, Çində akkreditə olunmuş diplomatik korpusun nümayəndələri, həmçinin Azərbaycan səfiri Y.Əliyev və səfirliyin əməkdaşları da festivalın açılış mərasimində olmuşlar.

Çində təhsil alan azərbaycanlı tələbələrin çıxışları festival iştirakçılarının daha böyük marağına səbəb olmuşdur. Tələbələrimizin ifa etdikləri milli rəqslər tamaşaçıları heyran qoymuşdur. Festival çərçivəsində Azərbaycan milli geyimlərindən, musiqi alətlərindən, şirniyyatından, xörəklərindən ibarət sərgi təşkil edilmişdir. Sərgiyə tamaşa edən qonaqlar xalqımızın mədəniyyəti, incəsənəti və ölkəmizdə turizmin inkişafı haqqında ətraflı məlumat verilmişdir.

Onlara Azərbaycanın tarixini və mədəniyyətini əks etdirən sənədli filmlər yazılmış kompakt disklər, kitab, jurnal və bukletlər paylanmışdır.