Pekində Əfqanıstana dair İstanbul Prosesinin 4-cü Nazirlər Konfransı keçiriləcək
Əfqanıstana dair İstanbul Prosesinin 4-cü Nazirlər Konfransı oktyabrın 30-31-də Pekində keçiriləcək.
Konfransda Əfqanıstanda təhlükəsizlik və sülhyaratma prosesinə dair məsələlər müzakirə olunacaq, Pekin bəyannaməsi qəbul ediləcək.
Tədbirdə İstanbul Prosesinin iştirakçısı olan ölkələrin, o cümlədən Azərbaycanın nümayəndə heyəti, habelə prosesi dəstəkləyən dövlətlərin, regional və beynəlxalq təşkilatların təmsilçiləri iştirak edəcəklər.
2011-ci ildə fəaliyyətinə start verilən İstanbul Prosesi Əfqanıstanın birbaşa və regional qonşusu olan 15 ölkə tərəfindən yaradılıb və şərti olaraq “Asiyanın ürəyi” adlandırılan siyasi prosesdir. Bu təşəbbüsün əsas məqsədi Əfqanıstanda sülh, sabitlik və inkişafın təmin olunmasıdır.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
