Penitensiar Xidmətdə Xocalı faciəsi qurbanlarının xatirəsi yad edilib
Bakı, 26 fevral, AZƏRTAC
XX əsrin ən dəhşətli faciələrindən olan Xocalı soyqırımının 24-cü ildönümü ilə əlaqədar Penitensiar Xidmətin Baş idarəsində və qurumun tabeli müəssisələrində faciə qurbanlarının xatirəsinə həsr olunmuş tədbirlər keçirilib.
Penitensiar Xidmətin ictimaiyyətlə əlaqələr şöbəsindən AZƏRTAC-a bildiriblər ki, əvvəlcə Xocalı soyqırımı qurbanlarının xatirəsi bir dəqiqəlik sükutla yad edilib.
Tədbirlərdə erməni qəsbkarlarının azərbaycanlılara qarşı əsrlər boyu həyata keçirdiyi etnik təmizləmə siyasətindən, bu soyqırımının qanlı nəticələrindən danışılıb. Həmçinin ümummilli lider Heydər Əliyevin böyük səyi sayəsində bu soyqırımına siyasi-hüquqi qiymətin verildiyi diqqətə çatdırılıb. Çıxışlarda Heydər Əliyev Fondunun “Xocalıya ədalət!” kampaniyasını uğurla davam etdirməsi nəticəsində bu qətliamın dünya ictimaiyyəti tərəfindən bəşəri cinayət kimi qəbul olunmasından, Prezident İlham Əliyevin faciə ilə bağlı tarixi həqiqətlərin beynəlxalq aləmə çatdırılmasında gördüyü genişmiqyaslı işlərdən bəhs edilib.
Anım mərasimi Xocalı hadisələrinə həsr olunmuş sənədli filmin nümayişi ilə başa çatıb.
Bölmənin digər xəbərləri
