Peruda xilasetmə missiyasını yerinə yetirən iki polis həyatını itirib
Bakı, 27 fevral, AZƏRTAC
Peru cənubunda yerləşən Arekipa rayonunda Majes çayında xilasetmə missiyası zamanı qayığın çevrilməsi nəticəsində iki polis həlak olub.
AZƏRTAC Sinxua agentliyinə istinadla xəbər verir ki, polislər bir neçə gün öncə itkin düşən şaxtaçıların axtarışı ilə məşğul idilər. Yerli medianın məlumatına görə, polislərin cəsədləri hadisədən bir neçə saat sonra tapılıb. İlkin araşdırmaya görə, qayığın aşmasına çaydakı güclü axın səbəb olub.
Qeyd edək ki, son günlər Arekipa rayonuna yağan güclü yağışlar nəticəsində çaylarda suyun səviyyəsi artıb və sel təhlükəsi yaranıb.
Bölmənin digər xəbərləri
