Politoloq: Avropa İttifaqı və İtaliya ilə Azərbaycanı bir çox layihələr birləşdirir
Roma, 29 may, AZƏRTAC
Azərbaycan cəmiyyətində İtaliyaya hər zaman xüsusi simpatiya bəslənilib. Bu gün Avropa İttifaqı və İtaliya ilə bizi bir çox layihələr birləşdirir.
AZƏRTAC xəbər verir ki, bunu Romada keçirilən “İtaliya, Avropa İttifaqı və Azərbaycan arasında əlaqələr: enerji təhlükəsizliyi və xarici siyasət” adlı tədbirdə “Bakı Politoloqlar Klubu” İctimai Birliyinin sədri Zaur Məmmədov deyib.
“Sözsüz ki, bu tədbirin də başlıca məqsədi tərəflər arasında əməkdaşlığın perspektivlərini bir daha İtaliya auditoriyasına çatdırmaqdır. Düşünürəm ki, bu zalda əyləşən deputatlar, ekspertlər, akademik çevrə, investorlar, iş adamları üçün bugünkü tədbir məhsuldar olacaq. Ənənəvi enerji, enerjinin yeni növü, kommunikasiya xətləri ilə bağlı Azərbaycanın imkanları haqqında danışacağıq”, - deyə o bildirib.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
