Polşa Avropa İttifaqı ölkələri ilə sərhədlərini açıb
Varşava, 13 iyun, AZƏRTAC
Polşa iyunun 13-dən etibarən Avropa İttifaqı ölkələri ilə sərhədlərini açıb. Koronavirusun yenidən yayılması təhlükəsinin qalmasına baxmayaraq, bu addım biznes və turizmin inkişafı üçün atılıb.
AZƏRTAC xəbər verir ki, Polşa ötən gecədən etibarən artıq Almaniya, Çexiya və Slovakiya ilə quru sərhədlərini açıb, gediş-gəliş bərpa olunub. Litva ilə sərhədlər isə dünəndən etibarən açıqdır.
Qeyd edək ki, Polşa koronavirusun yayılmasının qarşısını almaq üçün martın ortalarında xarici sərhədlərini bağlamışdı.
Polşa Avropa İttifaqı ölkələri üçün sərhədləri açsa da, Böyük Britaniya, İslandiya, Lixtenşteyn, Norveç və İsveçrə ilə bağlı məsələ hələ də sual altındadır.
Aygün Əliyeva
AZƏRTAC-ın xüsusi müxbiri
Varşava
Bölmənin digər xəbərləri
