PREZİDENT İLHAM ƏLİYEVİN İQAMƏTGAHINDA PREZİDENT LEONİD KUÇMANIN İŞTİRAKI İLƏ YOLASALMA
Prezidentlərin xanımlarının iştirakı ilə keçən görüşdə Azərbaycanın dövlət başçısı dost ölkəyə səfəri zamanı göstərilən mehriban münasibətə, yüksək hörmət və ehtirama görə səmimi təşəkkürünü bildirdi.
Cənab Kuçma görkəmli dövlət xadimi Heydər Əliyev tərəfindən etibarlı şəkildə bünövrəsi qoyulmuş dostluq və qardaşlıq əlaqələrinin bundan sonra da davam edəcəyinə əminliyini ifadə etdi.
Söhbət zamanı Ukrayna paytaxtında aparılmış danışıqların və imzalanmış sənədlərin iki ölkə arasında strateji əməkdaşlığın daha da genişlənməsi üçün möhkəm zəmin yaradacağı vurğulandı.
Səmimi söhbətdən sonra Ukrayna Prezidenti Leonid Kuçma və xanımı Lyudmila Kuçma Azərbaycan Prezidenti İlham Əliyevi və xanımı Mehriban Əliyevanı iqamətgahın qarşısında böyük hərarətlə və mehribanlıqla yola saldılar.
Bölmənin digər xəbərləri
