Professor Mahirə Hüseynova: Ziyarətgahların dağıdılması vəhşiliyin bariz nümunəsidir
Qax, 10 iyul, Mustafa Dadaşov, AZƏRTAC
Müxtəlif dövrlərdə soydaşlarımıza qarşı həyata keçirilən deportasiyalar barədə, həmçinin tarixi Azərbaycan torpaqlarının maddi və qeyri-maddi mədəni irsi ilə bağlı araşdırmaların aparılması indiki və gələcək nəsillər üçün çox önəmlidir. Təqdimatına toplaşdığımız “Qərbi Azərbaycan irsi” kitabının I cildi elmi faktlara, dünyanın bir sıra sınanılmış və etibarlı məlumat mənbələrinə əsaslanır. Bu kitabda Qərbi Azərbaycanda, indi Ermənistan Respublikası adlanan ərazidə dağıdılmış məzarlıqlarımızdan bəhs edilir. Bu məzarlıqlar bizim ziyarət yerlərimizdir. Ziyarətgahların dağıdılması vəhşiliyin bariz nümunəsidir.
Bu sözləri AZƏRTAC-ın bölgə müxbirinə müsahibəsində Azərbaycan Dövlət Pedaqoji Universitetinin prorektoru, Qərbi Azərbaycan İcmasının İdarə Heyətinin üzvü, professor Mahirə Hüseynova Qaxda “Qərbi Azərbaycan irsi” kitabının I cildinin təqdimat mərasimində deyib.
Professor bildirib ki, qəbiristanlıqların, məzarlıqların dağıdılması insan hüquqlarının ciddi şəkildə pozulması deməkdir və bu cinayət cəzasız qalmamalı, beynəlxalq hüquq çərçivəsində tənzimlənməlidir. “Əminəm ki, bu nəşr Qərbi Azərbaycanın tarixi-mədəni irsinin qorunmasına, Azərbaycan həqiqətlərinin beynəlxalq müstəvidə tanıdılmasına öz töhfəsini verəcək”,- deyə Mahirə Hüseynova əlavə edib.
Bölmənin digər xəbərləri
