Proqram məhsullarının seçilməsi üçün metod və alqoritmlər işlənilib
Bakı, 29 dekabr, AZƏRTAC
İnformasiya Texnologiyaları İnstitutunda proqram məhsullarının çoxmeyarlığa görə seçilməsi üçün metod və alqoritmlər işlənilib.
AZƏRTAC xəbər verir ki, bu barədə institutun 2020-ci il üzrə mühüm elmi nəticələrinin müzakirəsinə həsr olunmuş onlayn elmi seminarında texnika üzrə fəlsəfə doktoru, dosent Şəfəqət Mahmudova məlumat verib. O bildirib ki, proqram təminatının funksionallığını qiymətləndirmək üçün Analitik İyerarxiya Prosesi (Analytic Hierarchy Process, AHP) metodundan istifadə etməklə alqoritm işlənilib. Proqram təminatının funksionallığının xarakteristikalarına AHP-nin tətbiqi ilk işlərdən sayılır. Analitik iyerarxiya prosesi - vahid qərarvermənin strukturlaşdırılmış texnikasıdır. Nəyin düzgün olub-olmadığı sualına cavab vermir, lakin qərar verən şəxsin seçdiyi variantlardan hansının onun ehtiyaclarına uyğun olduğunu və problemi başa düşməsini qiymətləndirməyə imkan verir.
Bölmənin digər xəbərləri
