QAÇQIN VƏ MƏCBURİ KÖÇKÜNLƏRİN ƏL İŞLƏRİNDƏN İBARƏT SATIŞ-SƏRGİ
Mayın 24- də “Xaqani” ticarət mərkəzində Uşaqların beynəlxalq müdafiəsi günü” ilə əlaqədar qaçqın və məcburi köçkünlərin əl işlərindən ibarət satış- sərgi açılmışdır.
Azərbaycan Qızıl Aypara Cəmiyyətinin (QAC) Psixo-sosial reabilitasiya proqramı çərçivəsində keçirilən sərgidə 60 nəfərin 200-dən çox əl işi nümayiş etdirilir. Bakı regionunda məskunlaşmış qaçqın və məcburi köçkün ailələri üçün nəzərdə tutulmuş bu proqram münaqişə zamanı onlara dəyən ağır psixoloji zərbəni tədricən aradan qaldırmaq, qədimdən xalqımıza məxsus əl işlərinin gənc nəslə öyrədilməsi, qaçqın və məcburi köçkünlər arasında işsizlik faktlarını nəzərə alaraq, onların asudə vaxtının səmərəli keçirilməsini təmin etmək məqsədi daşıyır.
Proqramın donoru ABŞ Dövlət Departamentinin Əhali, qaçqınlar və miqrasiya bürosudur.
Satışdan əldə olunacaq vəsaitin bir hissəsi qaçqın və məcburi köçkün ailələrinin maddi vəziyyətlərinin yaxşılaşdırılmasına, digər hissəsi isə QAC-ın humanitar layihələrin maliyyələşdirilməsinə sərf olunacaqdır.
Satış-sərgi iki gün davam edəcəkdir.
Bölmənin digər xəbərləri
