QADIN VOLEYBOLÇULARIN ÖLKƏ ÇEMPİONATINDA FİNAL GÖRÜŞLƏRİ KEÇİRİLMİŞDİR
Çempion adı uğrunda “Təhsil” RİM, “Gənclik”, “Veteran” və “Sumqayıt” komandaları dairəvi sistemlə mübarizə aparmışlar. Nəticədə, ən çox xal toplayan “Veteran” birinci, “Təhsil” RİM ikinci, “Gənclik” üçüncü yer tutmuşlar. İlk iki yerin sahibləri gələn il ölkə çempionatının güclülər dəstəsində iştirak etmək hüququ qazanmışlar.
Xatırladaq ki, aprelin 4-də isə Bakı İdman Sarayında ölkə voleybol çempionatının güclülər dəstəsində çıxış edən komandalar arasında final görüşlərinə start veriləcəkdir. “Rabitə”, “Gürmük”, “Nəqliyyatçı” və “U-16” komandaları üç gün ərzində dairəvi sistemlə qələbə uğrunda yarışacaqlar.
Bölmənin digər xəbərləri
