DÜNYA
“QAFQAZ DÖRDLÜYÜ” TƏHLÜKƏSİZLİK ŞURASI KATİBLƏRİNİN GÖRÜŞÜNDƏ
Martın 29-da Soçidə “Qafqaz dördlüyü” ölkələrinin - Azərbaycan, Ermənistan, Gürcüstan və Rusiyanın təhlükəsizlik şuraları katiblərinin görüşü davam etdirilmişdir.
Rustya Təhlükəsizlik Şurasının katibi Vladimir Ruşaylo jurnalistlərə bildirmişdir ki, Qafqaz regionunda təhlükəsizliyin təmin edilməsi məsələsi, o cümlədən Çeçenistanda və Dağlıq Qarabağda vəziyyət, habelə gürcü-abxaz münaqişəsi ilə bağlı problemlər müzakirə olunmuşdur.
V.Ruşaylo ümidvar olduğunu söyləmişdir ki, görüşdə işlənib hazırlanacaq təkliflər Dağlıq Qarabağda və Abxaziyada “münaqişə vəziyyətlərini dincliklə nizama salmağa kömək edəcəkdir”.
İTAR-TASS-ın verdiyi xəbərə görə, görüşdə “Qafqaz dördlüyü” ölkələrinin humanitar, mədəni və iqtisadi sahələrdə əməkdaşlığı məsələləri də müzakirə olunmuşdur.
Azərbaycan Prezidentinin İcra Aparatının rəhbəri, respublika Təhlükəsizlik Şurasının katibi Ramiz Mehdiyev jurnalistlərlə söhbətində demişdir ki, bu görüşlər beynəlxalq terrorizmlə mübarizəyə dair birgə tədbirlərin hazırlanması üçün faydalıdır.
“Qafqaz dördlüyü”nün Soçidə martın 27-dən keçirilən görüşündə, ümumən, regional və beynəlxalq təhlükəsizliyin, ilk növbədə antiterror istiqamətində möhkəmləndirilməsi məsələləri müzakirə edilir. Görüş
martın 30-da başa çatacaqdır.