“Qalatasaray” bir futbolçusu ilə yollarını ayırıb, ikisini icarəyə verib
Bakı, 4 fevral, AZƏRTAC
Türkiyənin “Qalatasaray” komandası bir futbolçusu ilə yollarını ayırıb, ikisini isə icarəyə verib.
AZƏRTAC İstanbul nəhənginin rəsmi saytına istinadən xəbər verir ki, hücumçu Mişi Batşuayi ilə müqaviləyə qarşılıqlı razılaşma əsasında xitam verilib. 31 yaşlı forvard Almaniya təmsilçisi "Ayntraxt"a keçib.
Müdafiəçi Viktor Nelsson ilə hücumçu Nikola Zaniolo isə İtaliya klublarına icarəyə veriliblər. Nelsson bu mövsümün sonunadək “Roma”nın, Zaniolo isə “Fiorentina”nın formasını geyinəcək.
Bölmənin digər xəbərləri
