QALİB İDMANÇILARA MÜKAFATLAR TƏQDİM OLUNMUŞDUR
AHİK-dən AZƏRTAC-a daxil olmuş məlumatda bildirilir ki, Konfederasiyanın sədri, Milli Məclisin deputatı Səttar Mehbalıyev yığıncaqda dövlətimizin başçısı, Milli Olimpiya Komitəsinin prezidenti İlham Əliyevin diqqət və qayğısı sayəsində ölkəmizdə idmanın inkişafından, beynəlxalq yarışlarda gənclərimizin qazandığı uğurlardan danışmışdır.
O, Gənclər, İdman və Turizm Nazirliyi ilə birgə keçirdikləri indiki spartakiadanın gənc nəslin fiziki sağlamlığının möhkəmləndirilməsindəki rolundan, son illər həmkarlar ittifaqları idman təşkilatlarının beynəlxalq və respublika miqyaslı yarışlarda qazandıqları nailiyyətlərdən danışmışdır. Bildirilmişdir ki, 2003-cü ildə onlar 9 qızıl, 8 gümüş, 19 bürünc medal qazanmışlar. “Pəhləvan” klubunun yetirməsi yunan-Roma güləşçisi Vuqar Aslanov Afina Olimpiya oyunlarına lisenziya əldə etmişdir.
AHİK-in zəhmətkeşlərin mədəni-məişət problemləri üzrə analitik tədqiqat şöbəsinin müdiri Namiq Hüseynov, AHİTA-nın prezidenti Vaqif Əliyev görülən işlər barədə məlumat vermişlər.
Qaliblərə qiymətli hədiyyələr, pul mükafatları, diplomlar və fəxri fərmanlar təqdim olunmuşdur.
Bölmənin digər xəbərləri
