“Qarabağ” - “Bazel” matçını belçikalı hakimlər briqadası idarə edəcək
Bakı, 14 sentyabr, AZƏRTAC
UEFA Konfrans Liqasının qrup mərhələsinin birinci turu çərçivəsində İsveçrənin “Bazel” komandasını qəbul edəcək Ağdamın “Qarabağ” klubunun oyununa hakim təyinatları bəlli olub.
AZƏRTAC xəbər verir ki, qarşılaşma Belçikadan olan hakimlər briqadasına tapşırılıb. Matçın baş hakimi FIFA referisi Erik Lambrexts olacaq. Ona Rin Fanizere və Yo de Veyrdt köməklik göstərəcəklər. Dördüncü hakim funksiyasını isə Vim Smet yerinə yetirəcək.
Qeyd edək ki, sentyabrın 16-da Bakı Olimpiya Stadionunda oynanılacaq “Qarabağ”-“Bazel” görüşü saat 20:45-də başlayacaq.
Bölmənin digər xəbərləri
