QAXDA SOYQIRIMI QURBANLARININ XATİRƏSİ YAD EDİLMİŞDİR

01.04.2006 [19:39]
Çap et
A⁺ A^-

AZƏRTAC-ın müxbiri xəbər verir ki, 31 mart - Azərbaycanlıların soyqırımı günü ilə əlaqədar Qax rayonunda da anma mərasimləri və mədəni-kütləvi tədbirlər keçirilmişdir. Soyqırımı günü ərəfəsində rayonun təhsil və mədəniyyət müəssisələrində rəsm və inşa yazı müsabiqələri keçirilmiş, konfranslar, müzakirələr təşkil olunmuşdur.

Martın 31-də rayon rəhbərliyi və ictimaiyyətin nümayəndələri Şəhidlər xiyabanını ziyarət etmiş, igid həmyerlilərin xatirəsini anmışlar.

Soyqırımı günü ilə əlaqədar icra hakimiyyətinin akt salonunda keçirilən ümumrayon anma mərasimində ermənilərin zaman-zaman xalqımıza qarşı törətdikləri kütləvi qırğınlar barədə geniş söhbət açılmış, Ermənistanın bu gün də davam edən təcavüzkar siyasəti qətiyyətlə pislənilmişdir. Çıxış edənlər azərbaycanlıların soyqırımı ilə bağlı həqiqətlərin dünya ictimaiyyətinə çatdırılmasında ümummilli liderimiz Heydər Əliyevin tarixi xidmətlərini xatırlatmış, onun uzaqgörən siyasətinin Prezident İlham Əliyev tərəfindən uğurla davam etdirildiyini vurğulamışlar.

QAXDA SOYQIRIMI QURBANLARININ XATİRƏSİ YAD EDİLMİŞDİR

MÜƏLLİFLƏ ƏLAQƏ

Bölmənin digər xəbərləri