Qazax Milli Tədqiqat Texniki Universitetinin tələbələri Neft və Qaz İnstitutunda təcrübə keçiblər
Bakı, 25 aprel, AZƏRTAC
Elm və Təhsil Nazirliyinin Neft və Qaz İnstitutunun icraçı direktoru professor Vaqif Qurbanov, şöbə müdirləri - AMEA-nın müxbir üzvü Qalib Əfəndiyev, Ədalət Həsənov, Fəxrəddin Kərimov, Arif Hüseynov, baş elmi işçi Aleksandr Polatayev və Lətif Sultanov K.İ.Satbayev adına Qazax Milli Tədqiqat Texniki Universitetinin Neft-qaz və filiz geofizikası və Neft və qaz geologiyası fakültəsinin II kurs magistrantlarına mühazirə söyləyiblər.
Bu barədə AZƏRTAC-a AMEA-dan məlumat verilib. Bildirilib ki, təcrübə prosesi Neft və Qaz İnstitutu ilə Qazaxıstanın K.İ.Satbayev adına Qazax Milli Tədqiqat Texniki Universiteti arasında əməkdaşlıq haqqında memoranduma əsasən baş tutub.
Təcrübə müddətində gənclərə Azərbaycanın neft-qaz yataqlarının regionallaşması və neftli-qazlı sahələrin yayılması və perspektivliyi, geoloji kəşfiyyat və neft-qaz texnologiyaları sahəsində dərin bilik və praktiki bacarıqlara malik olmağı və müasir effektiv idarəetmə üsullarının tətbiqi üzrə məlumat verilib.
Sonda tələbələrə sertifikat təqdim edilib.
Bölmənin digər xəbərləri
