DÜNYA
Qazaxıstan 2029-cu ilədək 150 milyard dollar investisiya cəlb etmək niyyətindədir
Astana, 17 oktyabr, AZƏRTAC
Qazaxıstan iqtisadi baxımdan əhəmiyyətli uğurlar əldə edib. Biz 400 milyard dollar birbaşa xarici investisiya cəlb etmişik.
AZƏRTAC Akordanın mətbuat xidmətinə istinadla xəbər verir ki, bu barədə Qazaxıstan Prezidenti Kasım-Jomart Tokayev "Astana Think Tank Forum”un plenar iclasında çıxışı zamanı bildirib.
“Ölkə 2029-cu ilə qədər 150 milyard ABŞ dolları məbləğində sərmayə cəlb etmək kimi strateji hədəflə yeni investisiya dövrünə başlayır”, - deyə dövlət başçısı bildirib.
Onun sözlərinə görə, Qazaxıstan Respublikası investorlara hərtərəfli dövlət dəstəyinin göstərilməsinin və operativ qərarların qəbul edilməsinin vacibliyini dərk edir.
“Bu məqsədlə də strateji investisiya layihələrinə nəzarət edən geniş səlahiyyətlərə malik İnvestisiya Şurası yaradılıb”, - deyə Tokayev qeyd edib.
AZƏRTAC-ın xüsusi müxbiri
Astana
Bölmənin digər xəbərləri
