Qazaxıstan Prezidenti: Mərkəzi Asiya planetin iqlim dəyişmələrinə ən həssas regionudur
Astana, 29 may, AZƏRTAC
Dünya uran ehtiyatlarının 40 faizinə sahib olan Qazaxıstan öz milli strategiyasında nüvə enerjisini prioritet hesab edir.
AZƏRTAC xəbər verir ki, bunu Qazaxıstan Prezidenti Kasım-Jomart Tokayev Astana Beynəlxalq Forumunun plenar iclasında çıxışı zamanı deyib.
Onun fikrincə, iqlim böhranı həll olunmadan inkişaf davamlı ola bilməz.
“Mərkəzi Asiya planetin iqlim dəyişikliyinə ən həssas regionlarından biridir. Burada istiləşmə qlobal orta göstəricidən iki dəfə tez baş verir. Buna cavab olaraq, biz praqmatik və regional razılaşdırılmış iqlim gündəmini təşviq edirik. Öhdəliklərimizə müxtəlif beynəlxalq təşkilatlarda və sazişlərdə iştirak daxildir”, - deyə o qeyd edib.
Kasım-Jomart Tokayev qeyd edib ki, Qazaxıstan 2026-cı ildə BMT ilə tərəfdaşlıqda Mərkəzi Asiya strategiyalarını və qlobal ambisiyalarını birləşdirən platformaya çevrilmək niyyətində olan Regional Ətraf Mühit Sammiti keçirəcək.
Prezident qeyd edib: “Qazaxıstan qarşılıqlı hörmətə və regional həmrəyliyə əsaslanan sabit, inteqrasiya olunmuş və gələcəyə yönəlmiş Mərkəzi Asiyaya sadiq qalır. İki ay əvvəl BMT Baş Assambleyası rəsmi olaraq Almatıda BMT-nin Mərkəzi Asiya və Əfqanıstan üçün Davamlı İnkişaf Məqsədləri üzrə Regional Mərkəzini təsis etdi. Bu, bizim inkişaf layihələri üzrə çoxtərəfli əməkdaşlığımızda mühüm mərhələdir”.
AZƏRTAC-ın xüsusi müxbiri
Astana
Bölmənin digər xəbərləri
