QAZAXISTANDA PREZİDENTLİYƏ NAMİZƏD QEYDƏ ALINMAQ ÜÇÜN ƏRİZƏLƏRİN VERİLMƏSİ MÜDDƏTİ BAŞA ÇATMIŞDIR
Ərizə verənlərin 15-i kişi, 3-ü qadındır. Onların arasında ən tanınmış namizəd indiki Prezident Nursultan Nazarbayevdir. Bu sırada ikinci yeri Qazaxıstan parlamentinin keçmiş sədri Jarmaxan Tuyakbay tutur. Prezident olmaq istəyənlərin ikisi deputat, ikisi biznesmen, dördü müxtəlif hərəkat və ictimai birliyin rəhbəri, biri vəkil, ikisi təqaüdçü, biri yazıçı, ikisi isə işsizdir.
Qanunvericiliyə görə, Mərkəzi Seçki Komissiyası oktyabrın 24-dək ərizə verənləri namizəd kimi qeydə almalıdır, imtina etdikdə isə bunun səbəbləri göstərilməlidir.
