QAZAXISTANIN ENERJİ NAZİRİ TÜRKİYƏLİ HƏMKARINA BTC KƏMƏRİNƏ DAİR ÖHDƏLİKLƏRİ YERİNƏ YETİRƏCƏKLƏRİNİ SÖYLƏMİŞDİR
AZƏRTAC-ın xüsusi müxbiri xəbər verir ki, Qazaxıstanda səfərdə olan Türkiyənin enerji və təbii ehtiyatlar naziri Hilmi Gülər burada qazaxıstanlı həmkarı Suat Minbayev ilə enerji layihələrini müzakirə etmişdir.
Qazaxıstanın enerji və mineral ehtiyatlar naziri Suat Minbayev vurğulamışdır ki, onun ölkəsi Bakı-Tbilisi-Ceyhan boru xətti ilə xam neft nəql olunmasına dair öhdəliklərini yerinə yetirəcəkdir. İlkin mərhələdə boru xəttinə 23 milyon ton, aparılacaq genişləndirmə işlərindən sonra isə 38.6 milyon ton Qazaxıstan nefti veriləcəkdir.
Türkiyənin enerji siyasəti haqqında həmkarına məlumat verən Hilmi Gülər qeyd etmişdir ki, son illər Azərbaycan nefti və qazının dünya bazarlarına çıxarılması sahəsində mühüm dəhlizə çevrilən Ceyhan terminalı, İran, Rusiya və Mərkəzi Asiyanın da karbohidrogen ehtiyatlarını qəbul edəcək bir enerji mərkəzinə çevrilmək üzrədir. Ankara, xüsusilə, Nabukko layihəsinin həyata keçirilməsində qətiyyətli mövqe tutur.
Bölmənin digər xəbərləri
