Qazaxıstanın səhiyyə naziri yerli “QazVac” peyvəndi vurdurub
Nur-Sultan, 27 aprel, AZƏRTAC
Qazaxıstan səhiyyə naziri Aleksey Tsoy ölkədə istehsal olunan koronavirusa qarşı “QazVac” peyvəndini vurdurub.
AZƏRTAC bu ölkənin Səhiyyə Nazirliyinə istinadla xəbər verir ki, yerli peyvənd bir nəfər üçün iki dozadan ibarətdir.
Qazaxıstan peyvəndinin ilk partiyası Elmi Tədqiqat Bioloji Təhlükəsizlik Problemləri İnstitutunda 50 min dozada istehsal olunub və artıq bölgələr arasında paylanmaqdadır.
Qazaxıstan dünyada peyvənd istehsalına başlayan və peyvənd istehsalının tam dövrünü müstəqil olaraq mənimsəyən ilk beşliyə daxil olan on ölkə sırasına daxil edilib. Ölkə üzrə təxminən 900 min nəfər koronavirusa qarşı peyvənd olunub.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
