“Qəbələ”nin futbolçusu Toqo millisində növbəti oyununu keçirib
Bakı, 11 sentyabr, AZƏRTAC
“Qəbələ”nin futbolçusu Lalavele Atakora Toqo millisində növbəti oyununu keçirib. Yarımmüdafiəçi Afrika Millətlər Kubokunun seçmə mərhələsinin “D” qrupunun ikinci turunda meydana çıxıb.
AZƏRTAC xəbər verir ki, Lalavelenin heyətində yer aldığı Toqo millisi öz meydanında Beninlə qarşılaşıb. Görüş 0:0 hesabı ilə başa çatıb. Start heyətində yer alan Atakora 90 dəqiqə meydanda olub. Yarımmüdafiəçi matçın 43-cü dəqiqəsində sarı vərəqə alıb.
İki turdan sonra hesabında 1 xal olan toqolular 4-cü pillədə qərarlaşıblar. Atakoranın komandası oktyabrın 10-da keçiriləcək növbəti turda evdə Qambiya ilə üz-üzə gələcək.
Bölmənin digər xəbərləri
