Qəbul planına işəgötürənlərin tələblərinə uyğun ixtisaslar salınmalıdır
Bakı, 14 may, AZƏRTAC
Peşə təhsilinin inkişafı özəl sektorun iştirakı olmadan mümkün deyil. Çünki peşə təhsili müəssisələri işəgötürənlər üçün kadr hazırlığı ilə məşğuldur.
AZƏRTAC xəbər verir ki, bu fikirləri Peşə Təhsili üzrə Dövlət Agentliyinin peşə seçimi mərhələsində olan gənclərin maarifləndirilməsi məqsədilə təşkil etdiyi vebinarda qurumun Peşəyönümü və işəgötürənlərlə əməkdaşlıq şöbəsinin müdiri Zamin Bədirxanov deyib. O bildirib ki, peşə təhsili müəssisələri üçün ixtisaslar müəyyənləşdirilərkən işəgötürənlərin fikirləri nəzərə alınmalıdır. Qəbul planına işəgötürənlərin tələblərinə uyğun kadr hazırlayan ixtisaslar salınmalıdır.
Xatırladaq ki, vebinar Peşə Təhsili üzrə Dövlət Agentliyinin “Facebook” və “YouTube” səhifələrində yayımlanır.
Bölmənin digər xəbərləri
