Qərbi Azərbaycan və Şərqi Zəngəzur toponimləri ilə bağlı elmi araşdırmalar aparılacaq
Bakı, 25 yanvar, AZƏRTAC
AMEA-nın Nəsimi adına Dilçilik İnstitutunun Elmi şurasının iclası keçirilib.
İnstitutdan AZƏRTAC-a bildirilib ki, iclası giriş sözü ilə açan müəssisənin baş direktoru professor Nadir Məmmədli gündəlikdə duran məsələləri diqqətə çatdırıb. İclasda elmi katib filologiya elmləri doktoru Aynel Məşədiyeva illik iş planı və elmi-tədqiqat işlərinin fərdi planları barədə məlumat verib. Müzakirələrdən sonra 2023-cü il üçün iş planı və fərdi planlar təsdiqlənib.
Tədbirdə bildirilib ki, yeni yaradılmış Toponimika şöbəsində Qərbi Azərbaycan və Şərqi Zəngəzur toponimləri ilə bağlı elmi araşdırmalar aparılacaq.
Sonda cari məsələlər müzakirə edilib.
Bölmənin digər xəbərləri
