QEYRİ-HÖKUMƏT TƏŞKİLATLARI RƏHBƏRLƏRİNİN ULU ÖNDƏR HAQQINDA XATİRƏLƏRİ KİTAB ŞƏKLİNDƏ ÇAP EDİLƏCƏKDİR
AZƏRTAC xəbər verir ki, mayın 7-də “Ambassador” hotelində Milli Qeyri-Hökumət Təşkilatları Forumu (MQF) Heydər Əliyevin 85 illik yubileyi münasibətilə elmi-nəzəri konfrans keçirmişdir.
MQF-nin prezidenti vəzifəsinin icraçısı Rauf Zeyni ulu öndərin həyat yolu və böyük əməli fəaliyyəti haqqında danışmışdır.
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri Azay Quliyev “Hedər Əliyev və Azərbaycanda vətəndaş cəmiyyəti” mövzusunda məruzə etmişdir. Natiq Heydər Əliyevin Azərbaycan dövlətçiliyinin dirçəldilməsi, vətəndaş cəmiyyətinin möhkəmləndirilməsi, ölkənin inkişafı, xalqımızın rifahı naminə misilsiz xidmətlərini xatırlatmış, qeyri-hökumət təşkilatlarına həssas münasibətini, bu siyasətin Prezident İlham Əliyev tərəfindən davam etdirildiyini vurğulamışdır.
Konfransda müxtəlif qeyri-hökumət təşkilatlarının rəhbərləri çıxış etmiş, ulu öndər Heydər Əliyev haqqında xatirələrini danışmışlar.
QHT rəhbərlərinin Heydər Əliyev haqqında xatirələrini ayrıca kitabça şəklində nəşr etmək qərara alınmışdır.
Bölmənin digər xəbərləri
