Qırğızıstanda Ümummilli Lider haqqında inşa müsabiqəsinin qalibləri mükafatlandırılacaq
Bakı, 3 may, AZƏRTAC
Bu gün Qırğızıstanın paytaxtı Bişkekdə Azərbaycan xalqının Ümummilli Lideri Heydər Əliyev haqqında inşa müsabiqəsinin qaliblərinin mükafatlandırılması mərasimi keçiriləcək.
AZƏRTAC “Veçerni Bişkek” qəzetinə istinadla xəbər verir ki, Ümummilli Lider Heydər Əliyevin anadan olmasının 100 illiyi ilə əlaqədar aprel ayında Azərbaycanın Qırğızıstandakı səfirliyi tərəfindən Heydər Əliyev adına 20 saylı məktəb-gimnaziyada “Mən Azərbaycan və Heydər Əliyev haqqında nə bilirəm?” mövzusunda ən yaxşı inşa yazısı üçün müsabiqə elan olunub.
Məktəblilərin yazılarını səlahiyyətli münsifləri heyəti dəyərləndirib. Qaliblərə qiymətli hədiyyələr təqdim olunacaq. Bu, məktəbə Heydər Əliyevin adı verildikdən sonra ilk müsabiqədir. Buna görə də birinci yeri tutan inşa yazısı məktəbin muzeyində saxlanılacaq.
Bölmənin digər xəbərləri
