Qırğızıstanla gömrük sahəsində gələcək inkişaf istiqamətləri barədə müzakirələr aparılıb
Bakı, 14 aprel, AZƏRTAC
Aprelin 14-də Dövlət Gömrük Komitəsinin (DGK) sədri, gömrük xidməti general-leytenantı Şahin Bağırov Qırğız Respublikasının ölkəmizdəki səfiri Kayrat Osmonaliyev ilə görüşüb.
DGK-dən AZƏRTAC-a bildirilib ki, görüşdə iki ölkə arasında mehriban dostluq və qardaşlıq münasibətlərindən məmnunluqla bəhs edilib, gömrük xidmətləri arasında təcrübə mübadiləsi və gələcək inkişaf istiqamətləri barədə müzakirələr aparılıb, qarşılıqlı əməkdaşlığın daha da gücləndirilməsinin vacibliyi vurğulanıb.
Həmçinin Transxəzər Beynəlxalq Şərq-Qərb Orta Dəhlizi boyu “Bir pəncərə” prinsipindən istifadə etməklə tranzit gömrük prosedurunun sadələşdirilməsi layihəsi, Orta Dəhlizin cəlbediciliyinin artırılması, əməkdaşlığın gücləndirilməsi, beynəlxalq tranzitin və ticarətin asanlaşdırılması ilə bağlı müzakirələr aparılıb.
Bölmənin digər xəbərləri
