Qubada 6 kiloqramdan artıq narkotik vasitə aşkarlanıb
Bakı, 12 may, AZƏRTAC
Quba Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsinə qarşı silsilə əməliyyatlar keçirilib.
Daxili İşlər Nazirliyinin mətbuat xidmətinin Quba regional qrupundan AZƏRTAC-a verilən məlumata görə, narkotik vasitələrin əldə etməsi, saxlanması, daşıması və satılmasında şübhəli bilinən Şamaxı rayon sakini Şahin Rüstəmov keçirilən əməliyyat-axtarış tədbirləri nəticəsində Quba rayonu ərazisində saxlanılıb. Həmin şəxsin üstünə baxış keçirilən zaman 6 kiloqramdan artıq narkotik vasitə olan marixuana aşkar olunaraq götürülüb.
Rayon sakini Tural Süleymanov və Xaçmaz rayon sakini Xanlar Ağayev isə keçirilən digər əməliyyat-axtarış tədbirləri zamanı saxlanılıblar. Həmin şəxslərin üstlərinə baxış keçirilən zaman xeyli miqdarda narkotik vasitə olan marixuana aşkar olunaraq götürülüb.
Faktlarla bağlı Quba Rayon Polis Şöbəsində cinayət işi başlanılıb.
Məhkəmənin qərarı ilə hər üç şəxsin barəsində həbs qətimkan tədbiri seçilib.
Bölmənin digər xəbərləri
