QUŞ CƏSƏDLƏRİ VƏ QAN NÜMUNƏLƏRİ MÜAYİNƏ ÜÇÜN LONDONA GÖNDƏRİLƏCƏK

23.01.2006 [11:34]
Çap et
A⁺ A^-

Xəbər verildiyi kimi, bu yaxınlarda ABŞ-ın ölkəmizdəki səfirliyinin müvəqqəti işlər vəkili Ceyson Haylənd kənd təsərrüfatı naziri İsmət Abasovla görüşündə Dövlət Baytarlıq Xidmətinin quş qripi ilə əlaqədar götürdüyü qan nümunələrini operativ müayinə üçün Dünya Səhiyyə Təşkilatının (DST) Bakı nümayəndəliyi vasitəsilə Londona göndərməyin vacibliyini nəzərə çatdırmış və bu sahədə təmsil etdiyi qurumun yardımını təklif etmişdi.

Xidmətin mətbuat mərkəzindən AZƏRTAC-a verilən məlumata görə, DST-nin Bakıdakı nümayəndəsi Elxan Qasımov bildirmişdir ki, Londondakı laboratoriyada aparılacaq müayinələr üçün lazımi miqdarda vəsait ayrılmışdır və Dövlət Baytarlıq Xidməti qan nümunələrini oraya göndərə bilər.

Xidmət bu günlərdə müayinə üçün lazım olan quş cəsədləri və qan nümunələrini həmin laboratoriyaya göndərəcəkdir.