REGİONLAR
Qusarın Həsənqala kəndində canavarlar 12 qoyunu parçalayıb VİDEO
Qusar, 12 iyun, Elxan Yusifli, AZƏRTAC
Qusar rayonunun Həsənqala kəndində canavarlar təsərrüfata hücum edib.
AZƏRTAC-ın bölgə müxbiri xəbər verir ki, kənd sakini Şöhrət Nemətovun tövləsinə soxulan yırtıcılar 11 qoyunu parçalayıb. Bundan başqa, canavarlar digər kənd sakini Cavanşir Zeynalovun da bir baş qoyununu parçalayıb.
Şöhrət Nemətov bildirib ki, hadisə gecə saat 3-4 radələrində baş verib. Canavarlar hasardan aşaraq həyətyanı sahədəki tövləyə soxulub. İki ay əvvəl də kənddə canavarların təsərrüfata hücumu qeydə alınıb.
Faktla bağlı Qusar Rayon Baytarlıq İdarəsinə və yerli icra qurumlarına məlumat verilib.
Bölmənin digər xəbərləri
