RABİTƏÇİ İDMANÇILAR VƏTƏNƏ 3 QIZIL VƏ 2 GÜMÜŞ MEDALLA QAYITMIŞLAR

21.11.2003 [20:31]
Çap et
A⁺ A^-

AZƏRTAC xəbər verir ki, Budapeştdə kikboksinq üzrə Avropa birinciliyində iştirak edən “Rabitəçi” idman klubunun 5 üzvü Vətənə 3 qızıl və 2 gümüş medalla qayıtmışlar. İdmançılardan Emin Süleymanov, Elman və Eldar Qazıbəyov qardaşları 1-ci yeri tutaraq qızıl, Rafael Qarayev və Araz Musayev isə 2-ci yerə çıxaraq gümüş medallara layiq görülmüşlər.

Bu münasibətlə Rabitə Nazirliyində görüş keçirilmişdir. Görüşdə rabitə naziri Nadir Əhmədov idmançıları qələbə münasibətilə təbrik edərək, onlara yeni uğurlar arzulamışdır. Nazir respublikada hökm sürən ictimai-siyasi sabitliyə görə xalqımızın ümummilli lideri Heydər Əliyevə, idmanın bütün növlərinin inkişafı üçün yaradılan gözəl şəraitə görə isə Prezident İlham Əliyevə minnətdarlığını bildirmişdir. O demişdir: “Bu şəraitin və qayğının nəticəsidir ki, indi idmançılarımız yeni-yeni nailiyyətlər qazanırlar”.

Rabitəçi idmançılar, ölkəmizin rəhbərliyi tərəfindən göstərilən qayğıya görə minnətdarlıq etmiş və gələcəkdə respublikanın idman şərəfini daha da uca tutacaqlarına söz vermişlər.

Mərasimin sonunda nazirin əmrinə əsasən qalib idmançıların hər birinə pul mükafatı və hədiyyələr təqdim olunmuşdur.