RAFİQ İSMAYILOVUN XATİRƏSİNƏ HƏSR EDİLMİŞ RESPUBLİKA TURNİRİ
AZƏRTAC-ın müxbiri xəbər verir ki, İsmayıllı şəhərində Qarabağ döyüşlərində şəhid olmuş beynəlxalq dərəcəli idman ustası Rafiq İsmayılovun xatirəsinə həsr edilmiş yeniyetmə oğlanlar arasında cüdo üzrə VII ənənəvi respublika turniri keçirilmişdir.
İki gün davam edən turnirdə Bakı, Sumqayıt, Gəncə şəhərlərindən, Samux, Siyəzən, Ağdam, Qobustan və Kürdəmir rayonlarından gəlmiş 254 idmançı qələbə uğrunda mübarizə aparmışdır. 12-13 yaşlı idmançılar arasında müxtəlif çəki dərəcələrində Həsən Ağayev (İsmayıllı), Mirzəli Həsənov (Bakı), Eldar Soltanov (Sumqayıt), Sadıq Məhərrəmov (Bakı), Elşən Vəliyev (Ağdam), Xəyal Mirzəzadə (Bakı), Sadiq Nəzərli (Bakı), Elvin İbrahimov (Sumqayıt), İmran Quliyev (Bakı), Şirin Cavadzadə (Siyəzən), İslam Abdulrəhmanzadə (Bakı), 14-15 yaşlı idmançıların yarışında isə Alı Quliyev (Sumqayıt), Rəşad Pəncəli (Bakı), Şamil Dəmirov (Qobustan), Elbrus Əlili (İsmayıllı), Cəlil Həziyev (Sumqayıt), Fərid Vəliyev (İsmayıllı), Kamran İmaməliyev (Sumqayıt) və Elvar Güləhmədzadə (Bakı) qalib gəlmişlər.
Qaliblər İsmayıllı bələdiyyəsinin qiymətli hədiyyələri və rayon gənclər və idman idarəsinin diplomları ilə mükafatlandırılmışlar.
Bölmənin digər xəbərləri
