RƏCƏB TAYYİB ƏRDOĞAN ERMƏNİ TƏXRİBATINA MEYDAN OXUMUŞDUR

04.11.2006 [15:13]
Çap et
A⁺ A^-

AZƏRTAC-ın xüsusi müxbiri xəbər verir ki, Türkiyənin Baş naziri Rəcəb Tayyib Ərdoğan İstanbulda dünyanın müxtəlif ölkələrinin kütləvi informasiya vasitələrinin nümayəndələri ilə görüşündə Yerevandan gəlmiş Stepan Manukyan adlı bir erməni jurnalistə demokratiya dərsi verərək, onun “Türkiyə “erməni soyqırımı”nı tanımalıdır” sözlərinə cavabında demişdir: “Baxın, indi mən açıq meydan oxuyuram. Prezidentinizə də bunu çatdırın. Əgər aça bilirsə, erməni arxivlərini açsın. Türkiyə öz arxivlərini açdı və biz müxtəlif ölkələrin tarixçi alimlərindən ibarət bir komissiyanın yaradılmasını təklif etdik. Lakin, Ermənistan buna cavab vermədi.”

Görüşü aparan fransız qadın jurnalist də erməni jurnalistinin həyasızlığından hiddətlənərək onun sözünü kəsmək məcburiyyətində qalmışdır. Çantasından bir plakat çıxarmaq istədikdə isə, Manukyan cangüdənlər tərəfindən salondan çıxarılmışdır.

Rəcəb Tayyib Ərdoğan daha sonra özünün İstanbul və Ankara ofisində Osmanlı hakimiyyətinin erməni xəstəxanalarına etdiyi yardımlara aid sənədlərin olduğunu da bildirərək demişdir: “Amma, hər halda o zamanlar, müharibənin ağır vaxtlarında, xəyanət edərək üsyan qaldıran ermənilərə “gözümüz üstə yeriniz var” söyləmək də mümkün deyildi”. Türkiyənin ermənilərdən fərqli olaraq heç zaman kin və nifrət siyasəti yürütmədiyini diqqətə çatdıran Baş nazir, Yerevan-İstanbul təyyarə reyslərinin açılmasının, Aktamar adasında erməni kilsəsinin bərpa olunmasının bunun bariz nümunəsi olduğunu söyləmişdir.

RƏCƏB TAYYİB ƏRDOĞAN ERMƏNİ TƏXRİBATINA MEYDAN OXUMUŞDUR

MÜƏLLİFLƏ ƏLAQƏ

Bölmənin digər xəbərləri