RƏCƏB TAYYİB ƏRDOĞAN NEFT VƏ QAZ KƏMƏRLƏRİNDƏ TƏHLÜKƏSİZLİK TƏDBİRLƏRİNİN MÜZAKİRƏ OLUNACAĞINI BİLDİRMİŞDİR
AZƏRTAC-ın xüsusi müxbiri xəbər verir ki, Türkiyənin Baş naziri Rəcəb Tayyib Ərdoğan avqustun 14-də Tbilisidə Gürcüstan Prezidenti Mixeil Saakaşvili ilə görüşdən sonra keçirilən mətbuat konfransında jurnalistlərin suallarına cavabında Bakı-Tbilisi-Ceyhan neft və Bakı-Tbilisi-Ərzurum qaz kəmərlərinin təhlükəsizliyi məsələlərinin yenidən müzakirə ediləcəyini bildirmişdir.
Rəcəb Tayyib Ərdoğan demişdir ki, bu layihələr üç ölkəni - Azərbaycan, Türkiyə və Gürcüstanı əhatə edir və kəmərlərin təhlükəsizliyi məsələlərini bir daha müzakirə etməyə ehtiyac var. Türkiyə hökumətinin başçısı bu məsələni gələn həftə Bakıya səfəri zamanı Azərbaycan Prezidenti İlham Əliyevlə də müzakirə edəcəyini bildirmişdir.
Bölmənin digər xəbərləri
