“REGİONLARIN SOSİAL-İQTİSADİ İNKİŞAFI DÖVLƏT PROQRAMI İKİ İL ƏRZİNDƏ” MÖVZUSUNDA DƏYİRMİ MASA KEÇİRİLMİŞDİR
Bildirilmişdir ki, regionlarda yeni təsərrüfat obyektlərinin istifadəyə verilməsi, habelə mövcud müəssisələrin fəaliyyətinin təkmilləşdirilməsi dövlətin diqqət mərkəzindədir və bu sahədə görülən işlərin miqyası mütəmadi olaraq artır.
Tədbirdə regionlarda əhalinin yaşayış səviyyəsinin yüksəldilməsi üçün Dövlət Proqramında nəzərdə tutulmuş sosial-iqtisadi dəyişiklikləri təhlil etmək və görülmüş işləri qiymətləndirmək məqsədi ilə mərkəzin 1500-ə yaxın respondent arasında keçirdiyi sorğunun nəticələri açıqlanmışdır.
Sorğunun nəticələri göstərmişdir ki, Azərbaycan Prezidenti İlham Əliyevin 2004-cü il 11 fevral tarixli Fərmani ilə təsdiq edilmiş “Azərbaycan Respublikasi regionlarının sosial-iqtisadi inkişafi Dövlət Proqramının (2004-2008-ci illər)” icrası nəticəsində müsbət dəyişikliklər baş vermiş, sanballı uğurlar əldə edilmişdir.
Sorğuda iştirak edənlərin 34 faizi proqramın nəticələrini qənaətbəxş, 18,55 faizi isə yüksək qiymətləndirdiyini bildirmişdir.
