RƏŞAD ƏHMƏDOV: PEKİNƏ QƏLƏBƏ ƏZMİ İLƏ GEDİRƏM
Pekin Yay Olimpiya oyunlarında ölkəmizi təmsil edəcək yeganə taekvondoçu Rəşad Əhmədov Çinə yola düşərkən AZƏRTAC-ın müxbirinə demişdir ki, Afina Oyunlarında buraxdığım səhvləri təkrarlamamaq üçün inamla mübarizə aparacağam. Afinada hakimlərin qərəzli mövqeyi nəticəsində 5-ci yeri tutsam da, bu dəfə çıxışımla nəyə qadir olduğumu sübut etməyə çalışacağam. Mən Pekinə qələbə əzmi ilə gedirəm. Rəqiblərimin hamısı güclü idmançılardır. Lakin bu mötəbər yarışa ciddi hazırlaşmışam və inanıram ki, zəhmətim bəhrəsini verəcəkdir.
Avqustun 22-də yarışa çıxacaq taekvondoçumuz öz çəkisində mübarizə aparacaq 15 rəqibi arasında fərq qoymur. O bildirmişdir ki, Pekin Olimpiadasına lisenziya qazanmış idmançı zəif ola bilməz və 80 kiloqram çəki dərəcəsində çıxış edəcək 15 taekvondoçunun hər biri mənim üçün güclü rəqibdir.
######
Bölmənin digər xəbərləri
