Rəşad Həsənov: Azərbaycanda dövlət məlumatlarının vahid platformada birləşdirilməsi istiqamətində işlərə başlanılıb
Bakı, 15 iyul, AZƏRTAC
Azərbaycanda dövlət qurumlarının məlumatlarının vahid platformada birləşdirilməsi istiqamətində işlərə başlanılıb.
AZƏRTAC xəbər verir ki, bu sözləri rəqəmsal inkişaf və nəqliyyat nazirinin müavini Rəşad Həsənov “Rəqəmsal arxitektura: Proqram idarəetməsi və nəticəəsaslı yanaşma” mövzusunda keçirilən dəyirmi masadakı çıxışı zamanı deyib.
Onun sözlərinə görə, hazırda dövlət qurumlarında çoxsaylı elektron məlumat bazaları mövcuddur. Lakin bu bazaların əksəriyyəti fərqli formatlarda fəaliyyət göstərdiyindən vahid standartın olmaması onların səmərəli məlumat mübadiləsi aparmasına mane olur: “Məhz bu səbəbdən dövlət qurumlarının informasiya ehtiyatlarının inteqrasiyası əsasında mərkəzləşdirilmiş məlumat bazasının yaradılması istiqamətində ilkin addımlar atılıb”.
R.Həsənov qeyd edib ki, vahid məlumat platformasının formalaşdırılması gələcəkdə süni intellekt texnologiyalarının tətbiqini, eləcə də məlumatların analitik emalını əhəmiyyətli dərəcədə asanlaşdıracaq.
Bölmənin digər xəbərləri
