Respublika fənn olimpiadalarının yarımfinal turunun nəticələri açıqlanıb
Bakı, 3 mart, AZƏRTAC
Fevralın 25-də keçirilmiş respublika fənn olimpiadalarının yarımfinal turunun nəticələri açıqlanıb.
Təhsil İnstitutundan AZƏRTAC-a bildirilib ki, şagirdlər nəticələri ilə www.portal.edu.az saytındakı “Şəxsi kabinet”ləri və ya təhsil aldıqları ümumtəhsil müəssisələri vasitəsilə tanış ola bilərlər.
Respublika mərhələsinin yarımfinal turunun nəticələri ilə bağlı ərizələr 3 iş günü ərzində qəbul edilir. Müraciətlər [email protected] elektron ünvanına yazılı şəkildə göndərilməlidir.
Olimpiadaların təşkil edilməsində məqsəd istedadlı uşaqların aşkar edilməsi, şagirdlərdə fənlərə olan marağın artırılması, onların sağlam rəqabət mühitində öz bilik və bacarıqlarını nümayiş etdirmələrinə imkan yaradılmasından ibarətdir.
Qeyd edək ki, fənn olimpiadaları “Kapital Bank”ın baş sponsorluğu ilə həyata keçirilir.
Bölmənin digər xəbərləri
