Respublikada 318,2 min hektar sahədə yazlıq bitkilərin səpini aparılıb
Bakı, 21 may, AZƏRTAC
May ayının 1-i vəziyyətinə respublikada 318,2 min hektar sahədə yazlıq bitkilərin səpini aparılıb.
Dövlət Statistika Komitəsindən AZƏRTAC-a bildirilib ki, bu dövrdə 49,6 min hektar sahədə dənli və dənli paxlalı bitkilər (ondan 17,6 min hektarı dən üçün qarğıdalı), 53,9 min hektar sahədə kartof, 47,8 min hektar sahədə tərəvəz, 14,1 min hektar sahədə bostan bitkiləri, 8,3 min hektar sahədə şəkər çuğunduru, 7,7 min hektar sahədə dən üçün günəbaxan, 1,3 min hektar sahədə tütün, 82,3 min hektar sahədə pambıq, 48,9 min hektar sahədə çoxillik otlar, 1,1 min hektar sahədə birillik otlar və 3,2 min hektar sahədə digər yazlıq bitkilər əkilib.
Təsərrüfatlarda 11,5 min ton və yaxud keçən ilin müvafiq dövrünə nisbətən 16,0 faiz çox kartof və 89,0 min ton və yaxud 25,5 faiz çox tərəvəz məhsulları istehsal edilib.
Bölmənin digər xəbərləri
