RF MÜDAFİƏ NAZİRİ XƏZƏRDƏ HƏRBİ TƏLİMLƏRİN YEKUNLARI HAQQINDA ÖLKƏ PREZİDENTİNƏ MƏLUMAT VERMİŞDİR
Rusiyanın müdafiə naziri Sergey İvanov Rusiya Federasiyasının Prezidenti, Ali baş Komandan Vladimir Putinə məruzə etmişdir ki, Rusiyanın Xəzər Hərbi Donanmasının təlimləri başa çatmışdır, gəmilər öz bazalarına qayıdır. “Təlimlər uğurla keçmiş, heç bir fövqəladə hadisə baş verməmişdir”.
S.İvanov təlimlərin Xəzərdə vəziyyəti sabitləşdirməyə imkan verdiyini nəzərə çarpdıraraq demişdir: “Təlimlər nümayiş etdirdi ki, biz terrorizmin, narkotik maddələrin daşınmasının və bioterrorizmin qarşısını almağa qadirik”.
İnterfaks agentliyinin yaydığı xəbərə görə, nazir Prezidentə bildirmişdir ki, Qazaxıstan və Azərbaycan qüvvələrinin təlimlərdə iştirakı dənizçilər arasında qarşılıqlı anlaşmaya və qarşılıqlı fəaliyyətə kömək etmişdir.
O demişdir ki, Dənizçilər Donanmanın yeni flaqmanının - ən müasir texnika ilə təchiz olunmuş “Tatarıstan” keşikçi gəmisinin istifadəyə verilməsini yüksək qiymətləndirmişlər. Təlimlərdə Xəzər Hərbi Donanması gəmilərinin 98 faizi, yəni 90 gəmi iştirak etmişdir.
Bölmənin digər xəbərləri
