Rumıniyanın milli TAROM aviaşirkəti 10 reysini ləğv edib
Buxarest, 8 iyul, AZƏRTAC
Rumıniyanın TAROM aviaşirkətinin uçuş heyətinin üzvlərinin müvəqqəti çatışmazlığı səbəbindən 10 daxili və beynəlxalq reysi ləğv edib.
Bu barədə aviadaşıyıcı məlumat yayıb.
Rumıniyanın İaşi və Oradea şəhərlərinə, eləcə də Qahirə, Beyrut, Əmman, İstanbul, Budapeşt, Frankfurt-Mayn, Amsterdam və Parisə uçuşlar ləğv edilib.
Məlumatda bunun "görünməmiş bir vəziyyət" olduğu deyilir. TAROM yaranan narahatçılığa görə təəssüflənir və sərnişinlərə uyğun alternativlər təklif etməyi öhdəsinə götürür.
Rumıniyanın nəqliyyat naziri Sorin Qrindeanu aviaşirkətin normal fəaliyyətini təmin etmək üçün yenidən strukturlaşdırma planının təcili təqdimatını tələb edib.
1954-cü ildə yaradılan TAROM Nəqliyyat Nazirliyinə tabedir. Şirkətin 18 təyyarəsi var və 70 marşrut üzrə xidmət göstərir.
İqbal Hacıyev
AZƏRTAC-ın xüsusi müxbiri
Buxarest
Bölmənin digər xəbərləri
