RUSİYA KƏŞFİYYATI İTTİHAMLARI RƏDD ETMİŞDİR

25.03.2006 [20:22]
Çap et
A⁺ A^-

AZƏRTAC “Novosti” agentliyinə istinadla xəbər verir ki, RF Xarici Kəşfiyyat Xidməti Amerikanın İraqa hücumu planları haqqında kəşfiyyat informasiyasının Rusiya tərəfindən Səddam Hüseyn rejiminə ötürülməsi barədə ABŞ nümayəndələrinin məlumatını təkzib etmişdir. Rusiya Xarici Kəşfiyyat Xidməti mətbuat bürosunun başçısı Boris Labusov martın 25-də bildirmişdir ki, onun ölkəsinin kəşfiyyatının ünvanına belə əsassız ittihamlar dəfələrlə səslənmişdir. Ona görə də “belə fikirləri şərh etməyi lüzumsuz sayırıq”.

Rusiyanın güc qurumlarındakı digər məlumatlı mənbə isə Moskvaya qarşı irəli sürülən ittihamları Amerika tərəfinin intiqamı sayır. Çünki Rusiya İraq ərazisində hərbi əməliyyatlarla əlaqədar qəti mövqedədir.

Xatırladaq ki, Amerika KİV-ləri belə bir informasiya yaymışlar ki, ABŞ-ın İraqdakı birləşmiş qüvvələri komandanlığının hazırladığı hesabata görə, Rusiya 2003-cü ilin mart-aprel aylarında Səddam Hüseyn rejimini ABŞ-ın strateji planları haqqında informasiya ilə təchiz etmişdir.

RUSİYA KƏŞFİYYATI İTTİHAMLARI RƏDD ETMİŞDİR

MÜƏLLİFLƏ ƏLAQƏ

Bölmənin digər xəbərləri