Rusiya və Türkiyə arasında futbol üzrə yoldaşlıq oyununun bütün biletləri satılıb
Bakı, 5 iyun, AZƏRTAC
Rusiya və Türkiyə arasında keçiriləcək futbol üzrə yoldaşlıq görüşünün biletlərinin hamısı satılıb.
AZƏRTAC TASS informasiya agentliyinə istinadla xəbər verir ki, bu barədə məlumat Rusiya yığma komandasının “Twitter” səhifəsində yerləşdirilib.
Görüş bu gün yerli vaxtla 19:00-da Moskvanın 30 min tamaşaçı tutumuna malik “VEB-Arena” stadionunda baş tutacaq. Bu qarşılaşma dünya çempionatından öncə Rusiya yığması üçün son oyundur.
Qeyd edək ki, futbol üzrə dünya çempionatı iyunun 14-dən iyulun 15-dək davam edəcək. Mundial iyununun 14-də Moskva vaxtı ilə saat 18:00-da (Bakı vaxtı ilə 19:00) Rusiya-Səudiyyə Ərəbistanı matçı ilə start götürəcək.
Bölmənin digər xəbərləri
