Rusiyada “Eurovision-2021” müsabiqəsində səslənəcək mahnı ilə bağlı araşdırma aparılır
Moskva, 6 aprel, AZƏRTAC
Rusiya İstintaq Komitəsi “Eurovision-2021” müsabiqəsində səslənəcək mahnı ilə bağlı araşdırmaya başlayıb.
AZƏRTAC xəbər verir ki, araşdırma “Veteranskiye vesti” qeyri-hökumət təşkilatının müraciəti əsasında aparılır.
Xatırladaq ki, bu il Rusiyanı “Eurovision” yarışmasında tacik əsilli müğənni Manija “Rus qadını” mahnısı ilə təmsil edəcək. Hüquq-mühafizə orqanları mahnıda nifrət və düşmənçilik hissləri yaradan əlamətlərin olub-olmamasını yoxlayırlar.
“Veteranskiye vesti” təşkilatı Rusiya İstintaq Komitəsinə müraciət edərək Manijanın səhnə hərəkətlərində rus qadının ləyaqətini alçaldan məqamlar olduğunu bildirib.
Bundan əvvəl, Rusiya Federasiya Şurasının sədri Valentina Matviyenko da Manijanın ifa etdiyi mahnının mətnini tənqid etmiş, həm müğənni, həm də mahnı seçimi ilə əlaqədar səsvermənin nəticələrinin yoxlanmasını təklif etmişdi.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
