“RUSTELEKOM”UN AZƏRBAYCANIN İŞĞAL OLUNMUŞ ƏRAZİLƏRİNDƏKİ FƏALİYYƏTİ DAYANDIRILMALIDIR
“Rustelekom” Dnestryanı, Abxaziya və Dağlıq Qarabağ ərazilərində beynəlxalq rabitə kanalı açmışdır. Gürcüstan və Moldova hökumətlərinin müraciətlərindən sonra “Rustelekom” bu ərazilərdə fəaliyyətini dayandırıb. Amma Azərbaycanın müraciətinə baxılmamışdır. Rusiya dövləti, hökuməti və parlamenti dəfələrlə Azərbaycanın ərazi bütövlüyünü tanıdığını, eləcə də, Dağlıq Qarabağın Azərbaycanın ərazisi olduğunu bəyan etmişdir. Bu baxımdan “Rustelekom”un fəaliyyəti həm Rusiyanın özünün, həm də Azərbaycanın maraqlarına ziddir. Belə qanunsuz fəaliyyətə son qoyulmalıdır.
Komissiyanın digər həmsədri, Rusiya Federasiyası Federal Şurasının MDB məsələləri üzrə Komitəsi sədrinin birinci müavini Konstantin Markelov “Rustelekom”un Dağlıq Qarabağda fəaliyyətinin həqiqətən qanunazidd olduğunu etiraf etmiş və Moskvaya dönərkən bu məsələ ilə ciddi məşğul olacağını bildirmişdir.
Bölmənin digər xəbərləri
